Милитаристік режим мен саяси жүйенің тоталитарлық сипаты

Бірінші дүниежүзілік соғыста Жапония Тынық мұхиттағы германдық колонияларды жаулап алып, өз иеліктерін кеңейтті. «Мицуи» мен «Мицубиси» сынды монополиялық концерндер әскери өнеркәсіп есебінен күшейіп, «дзайбацу» атауын иеленді. Ауылдық жерлерде феодалдық қатынастар сақталып, әлеуметтік ахуал шиеленісе түсті. 20-жылдардың соңы мен 30-жылдардың басындағы тоқырау жағдайды күрделендіргендіктен, билік милитаризацияға көшті. 1933 жылы Жапония Ұлттар лигасынан шықты. 1937-І939 және 1940-1941 жылдары үкіметті басқарған ханзада Коноэ «жаңа саяси құрылым» жариялады. Барлық партиялар таратылып, олардың орнына Таққа көмек беру ассоциациясы құрылды. Кәсіподақтар орнына «отанға қызмет ету қоғамдары» жасақталып, халыққа әскери дайындық курстары енгізілді.

Әскери экономикаға көшу және халықаралық жанжалдар

Экономикалық салада барлық өндіріс орындарын аумақтық әрі салалық қағидатпен біріктіруді көздейтін «Жаңа экономикалық құрылым» жүйесі енгізілді. Мемлекет тарапынан кез келген ереуілдерді өткізуге толық тыйым салынды. Жұмыс уақыты едәуір ұзартылып, зауыттарда әскери техника мен қару-жарақ өндіру барысы жедел қарқынмен артты. Нәтижесінде ел экономикасы түгелдей соғыс жағдайына бейімделіп қайта құрылды. 1941 жылдың желтоқсан айында Қытаймен қарулы қақтығысты жалғастырып жатқан Жапония Перл-Харбор (Інжулі жағалау) американдық әскери-теңіз базасына тұтқиылдан шабуыл жасады. Осы оқиға Жапонияның Америка Құрама Штаттарымен, сондай-ақ антигитлерлік коалицияға кіретін басқа да мемлекеттермен кең көлемді соғыс бастауына әкеліп соқтырды.

Мақаланың жалғасы жазылушыларға қолжетімді

Жазылымыңыз болса, аккаунтыңызға кіріңіз. Болмаса, мақаланы толық оқу үшін жазылымды рәсімдеңіз.

Тағы 4 бөлім · ~2 мин оқу

Жазылымды рәсімдеу Кіру